Gawain Sa Pagkatuto Bilang 1: Basahin At Unawaing Mabuti Ang Kuwento. Pag…
Gawain sa Pagkatuto Bilang 1: Basahin at unawaing mabuti ang kuwento.
Pagkatapos, sagutin ang mga sumusunod na katanungan. Gawin ito sa
iyong sagutang papel.
Sama–samang Pagkilos Tungo sa Isang Layunin
ni: Beverly D. Sastrillo
Isang araw, nagpatawag ng pagpupulong si Jessa, ang lider ng mga
kabataan sa barangay, upang pag-usapan ang proyektong makatutulong sa
pag-aaral ng mga kabataan. Inimbitahan niya ang kaniyang mga kagawad
gayundin ang lahat ng kabilang sa Sangguniang Kabataan. Nang nalaman
ni Brix ang tungkol sa pagpupulong kaagad siyang nagtungo sa Barangay
Hall kung saan gaganapin ang pagpupulong.
Sinimulan ang pagpupulong nang
dumating na ang lahat ng kabilang sa
pagpupulong.
“Mga kasama, nagpatawag ako ng
pagpupulong upang makabuo tayo ng
proyekto na makatutulong sa pag-aaral ng
mga kabataan dito sa ating barangay lalo
na ngayong panahon ng pandemya,” sabi
ni Jessa. “Ano sa inyong palagay ang higit
na kailangan ng ating mga kabataan
ngayon?” sunod niyang tanong.
“Dahil sa pandemya, kinailangan ng mga kabataan na hindi umalis sa
kani-kaniyang tahanan upang sila ay mapangalagaan. Gayundin, sa ngayon
ay marami ang nag-o-online class at kailangang makapag-print ng
kanilang mga takdang-aralin. Sa palagay ko, makatutulong ang libreng
pagpi-print upang hindi na gumastos sa printing ang ating mga kabataan,”
pahayag ni Brix.
“Tama! Makakatulong nga iyon nang malaki at makakabawas sa
gastusin ang kanilang mga magulang,” sabi ni Jess.
“Sang-ayon din ako sa kanilang suhestiyon,” ang sabi naman ni Jana.
D
PIVOT 4A CALABARZON EsP G5 8
“Maganda nga ang panukalang iyan upang makatulong tayo sa mga
kabataan dito sa ating barangay. Makakatutulong din tayo upang mapadali
ang kanilang pag-aaral. Maglalaan tayo ng badyet upang makabili ng
printer na ilalagay natin dito sa Barangay Hall upang mas madaling
magamit ng mga mangangailangan nito,” sabi ni Jessa.
“Oo, sang-ayon kami,” sabay-sabay na sagot ng mga dumalo sa
pagpupulong.
Dahil sa naisip na proyekto ng Sangguniang Kabataan, hindi na
kailangang gumastos ng mga mag-aaral sa pagpi-print ng kanilang mga
takdang-aralin na kailangan sa paaralan.
Mga tanong:
1. Ano ang layunin ni Jessa sa pagtawag ng pagpupulong?
2. Ano-ano ang mga kanais-nais na kaugalian ang ipinakita ng bawat isa
sa kuwento?
3. Paano nakabuo ng proyekto ang mga kabataan? Anong kaugalian ang
ipinamalas ng bawat isa sa pagbuo nito?
4. Sa kasalukuyang panahon, nananatili pa rin ba ang mga kaugaliang ito
sa mga Filipino? Patunayan.
5. Bilang isang batang Filipino, paano mo maipakikita ang mga kanais-
nais na mga kaugaliang Filipino? Isa-isahin.
Answer:
1. Ang kanyang layunin ay para makabuo sila ng proyekto na makatutulong sa pag aaral ng kabataan sa kanilang barangay lalo na ngayong pandemic.
2. Ang kanais nais na kaugalian sa kwento ay ang pagtulong nila sa mga kabataan na nagigipit dahil sa pandemya.
3. Nakabuo sila dahil pag tulong tulong nila, ang ka ugalian na ipinamalas dito ay isang mabuti dahil ginagawa nila ang lahat para sa kabataan.
4. Oo, dahil ito ang nakasanayan na gawin ng mga pilipino lalo na ang mga kabataan at dahil yun sa mabuting oag gabay ng mga magulang natin.
5.Sa pamamagitan ng pag tulong sa kapwa, pag galang sa mga nakakatanda lalo na sa ating mga magulang, pagrerespito, maging ma bait, at higit sa lahat ay panatilihing mirong ugnayan sa panginoon.
Explanation:
Sana maka tulong poh…
